14 красавіка, Мінск /Кар. БЕЛТА/. Гаспадары поля атрымалі перамогі ў трох першых матчах футбольнай Лігі Еўропы, паведамляе карэспандэнт БЕЛТА.
У Амстэрдаме галандскі "Аякс" абыграў гасцей з нямецкага "Шальке" з "сухім" лікам 2:0. Французскі "Ліён" у сябе дома адолеў турэцкі "Бешыкташ" са Стамбула - 2:1, іспанская "Сельта" ў Віга перайграла бельгійскі "Генк" - 3:2. Яшчэ ў адным паядынку пераможца не быў вызначаны - у Бруселі бельгійскі "Андэрлехт" разышоўся мірам з англійскім "Манчэстэрам Юнайтэд" - 1:1.
Сустрэчы ў адказ за выхад у паўфінал адбудуцца 20 красавіка. Паўфінальныя матчы пройдуць 4 і 11 мая, фінальны паядынак адбудзецца 24 мая ў Стакгольме на полі "Фрэндс Арэны".-0-
