21 верасня, Баку /БЕЛТА - Trend/. Баку атрымаў права правесці фінал Лігі Еўропы сезона 2018/2019. Матч пройдзе на Алімпійскім стадыёне 29 мая 2019 года, паведамляе афіцыйны сайт УЕФА.
Пасяджэнне выканкама УЕФА пад старшынствам прэзідэнта Аляксандэра Чаферына адбылося ў швейцарскім Ньёне.
Вырашальны матч Лігі чэмпіёнаў, які пройдзе 1 чэрвеня 2019 года, даверылі дамашняй арэне мадрыдскага "Атлетыка" - "Ванда Метрапалітана". Суперкубак УЕФА пройдзе ў Стамбуле 14 жніўня 2019 года.
Баку вылучаў сваю кандыдатуру на правядзенне аднаго з фіналаў Еўракубкаў у 2019 годзе - Лігі чэмпіёнаў і Лігі Еўропы.-0-