12 лютага, Пхёнчхан /Кар. БЕЛТА/. Фігурысты Канады перамаглі на Алімпійскіх гульнях у Пхёнчхане ў камандным турніры, паведамляе карэспандэнт БЕЛТА.
Рэзультат чэмпіёнаў па выніках выступлення ў шасці відах праграмы - 73 ачкі. Расійскія фігурысты выйгралі сярэбраныя медалі - 66 балаў. У ходзе каманднага турніру ў жаночым адзіночным катанні расіянка Аліна Загітава выканала адвольную праграму з лепшым рэзультатам сезона ў свеце - 158,08 ачка.
Для расійскай каманды серабро ў камандым турніры другая ўзнагарода на зімовых Гульнях. Раней бронзавы медаль у шорт-трэку заваяваў Сямён Елістратаў.-0-