11 ліпеня, Мінск /Кар. БЕЛТА/. Экіпаж "МАЗ-СПОРТаўта" пад кіраўніцтвам Сяргея Вязовіча фінішаваў трэцім на пятым этапе ралі "Шаўковы шлях", паведамляе карэспандэнт БЕЛТА.
Агульная працягласць маршруту Улан-Батар - Мандалгабі склала 365 км, пры гэтым дыстанцыя спецучастка была роўная 337 км.
Экіпаж капотнага МАЗа пад кіраўніцтвам Сяргея Вязовіча пераадолеў маршрут з адставаннем 6 мін. 52 сек. ад расійскага грузавіка "КамАЗ-майстар" пад кіраўніцтвам Андрэя Каргінава лідара гэтага этапу. Другім да фінішу прыехаў таксама расійскі гоншчык Антон Шыбалаў, уступіўшы свайм партнёру па камандзе 4 мін. 18 сек.
У агульным заліку грузавікоў пасля пяці этапаў лідзіруе капотны МАЗ Сяргея Вязовіча з рэзультатам 12 гадзін 34 мін. 5 сек. На другой пазіцыі размясціўся расіянін Антон Шыбалаў з адставаннем ад беларуса на 16 мін. 4 сек., трэцяе месца заняў яго партнёр па камандзе Андрэй Каргінаў, ён уступае беларускаму экіпажу 18 мін. 35 сек.
Як паведамлялася, каманда "МАЗ-СПОРТаўта" ў канцы чэрвеня адправілася на міжнародны ралі-рэйд "Шаўковы шлях". Спартыўныя грузавікі МАЗ да пачатку гонкі ўдзельнічалі ў роўд-шоу па расійскіх гарадах. Ралі стартавала ў Іркуцку. Фінішуюць удзельнікі ў кітайскім Дуньхуане. Маршрут перасягае 5 тыс. км, з якіх палавіна прыпадае на спецучасткі. Гонка стане для беларусаў генеральным выпрабаваннем перад ралі-рэйдам "Дакар": плануецца павысіць навыкі экіпажаў і абкатаць тэхніку, пратэсціраваць многія ноу-хау.-0-
