Мабільная версія
ДЗЯРЖОРГАНЫ
Апошнія навіны
Усе навіны

Брэсцкі "Будаўнік" пасля першага тура ідзе другім у Кубку Садружнасці па хакеі на траве

Спорт 21.04.2017 | 09:41

21 красавіка, Брэст /Кар. БЕЛТА/. У Брэсце 20 красавіка завяршыўся першы этап Кубка Садружнасці - 2017 па хакеі на траве, паведаміў карэспандэнту БЕЛТА старшы трэнер брэсцкага "Будаўніка" Віктар Стасюк.

Турнір праходзіць у два этапы. Першы тур праходзіў з 18 па 20 красавіка. Пасля трох гульнявых дзён лідарства з васьмю ачкамі захапілі хакеісты расійскага "Дынама-Электрасталь". Яны перамаглі ва ўсіх матчах. На другой пазіцыі размясціўся брэсцкі "Будаўнік", які набраў шэсць ачкоў. Брастаўчане з лікам 3:6 прайгралі расійскай дружыне, атрымалі верх над украінскай "АКС-ШВСМ" (4:2) і ХК "Мінск" (1:0). Мінчане ідуць трэцімі, замыкае табліцу каманда з Вінніцы.

Сапернікі гуляюць па сістэме "кожны з кожным". За перамогу налічваюцца тры ачкі, выйгрыш па булітах ацэньваецца ў два балы, за паражэнне па булітах даецца адно ачко.

Заключны этап пройдзе ў Мінску, папярэдне, з 5 па 7 мая. У сталіцы Беларусі вызначыцца ўладальнік Кубка Садружнасці па хакеі на траве.

У гэтым годзе спаборніцтвы праводзяцца восьмы раз. Упершыню Кубак Садружнасці быў разыграны ў 2010 годзе. Тады яго заваявалі ігракі "Будаўніка". У апошнія чатыры гады ў турніры безагаворачна дамінуе "Дынама-Электрасталь".-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Дэпазіты на сямейны капітал Стаўка па дэпазіце "Сямейны капітал" на 2017 год складае 1,7 працэнта гадавых. Выкарыстаць грошы можна толькі пасля дасягнення дзіцем 18 гадоў, за выключэннем трат на медыцынскія паслугі.