11 ліпеня, Мінск /Кар. БЕЛТА/. Білеты на II Еўрапейскія гульні паступяць у продаж з 1 снежня. Аб гэтым паведаміў сёння журналістам менеджар па маркетынгу фонду "Дырэкцыя II Еўрапейскіх гульняў 2019 года" Максім Кашкалда, перадае карэспандэнт БЕЛТА.
"Пачатак продажу білетаў на Еўрапейскія гульні 2019 года ў Мінску запланаваны на 1 снежня, іх можна будзе набыць на спецыяльным сайце minsk2019.ticкetpro.by. Цэны на білеты мы аб'явім у кастрычніку. Пачынаючы з 1 сакавіка білеты на гульні змогуць набыць праз сайт усе жадаючыя з любой краіны свету", - расказаў менеджар па маркетынгу.
Дызайн білетаў ужо распрацаваны і зацверджаны. "Па меры пашырэння прадукцыі прадставім дызайн білетаў цырымоній адкрыцця і закрыцця Еўрапейскіх гульняў", - падкрэсліў Максім Кашкалда.
Паводле яго слоў, бліжэй да старту спаборніцтваў білеты можна будзе купіць у касах Мінска і іншых гарадах Беларусі.
II Еўрапейскія гульні пройдуць у Мінску з 21 па 30 чэрвеня 2019 года па 15 відах спорту: бадмінтон, баскетбол 3х3, бокс, барацьба (грэка-рымская, вольная, жаночая), веласіпедны спорт (трэк і шаша), гімнастыка (спартыўная, мастацкая, акрабатыка, аэробіка і скачкі на батуце), веславанне на байдарках і каноэ, дзюдо, каратэ, лёгкая атлетыка, самба, стральба з лука, стральба (кулявая і стэндавая), настольны тэніс, пляжны футбол.-0-
