5 сакавіка, Мінск /Кар. БЕЛТА/. Біятланісты Мінскай вобласці перамаглі ў заключным відзе праграмы рэспубліканскіх спаборніцтваў па біятлоне "Снежны снайпер" у старшай узроставай групе, перадае карэспандэнт БЕЛТА.
Прадстаўнікі сталічнай вобласці ў складзе Юліі Казак, Вольгі Парубавай, Кірыла Сяргеева, Уладзіслава Сяргеева пераадолелі дыстанцыю за 54 мін. і, нягледзячы на два промахі, прыйшлі да фінішу першымі. Другое месца занялі біятланісты каманды Мінска, трэцяе - Гродзенскай вобласці.
У медальным заліку першае месца ў каманды Мінска, на рахунку якой 8 узнагарод (4 залатыя і 4 сярэбраныя). На другім месцы юныя біятланісты Магілёўскай вобласці - 3 залатыя, 1 сярэбраная і 3 бронзавыя ўзнагароды. Замкнулі тройку прызёраў у медальным заліку турніру ўдзельнікі з Мінскай вобласці - 1 залаты, 3 сярэбраныя і 2 бронзавыя медалі.
Рэспубліканскія спаборніцтвы па біятлоне "Снежны снайпер" праводзяцца ў Беларусі з 2007 года для папулярызацыі віду спорту і выяўлення найбольш адораных дзяцей. Другі раз спаборніцтвы прайшлі ў спарткомплексе "Раўбічы". Усяго ў бягучым сезоне ў "Снежным снайперы" прынялі ўдзел больш за 39 тыс. дзяцей.-0-
