25 жніўня, Мінск /Кар. БЕЛТА/. Беларускія біятланісты спыніліся за крок ад п'едэстала гонару ў змешанай эстафеце на летнім чэмпіянаце свету ў расійскім Чайкоўскім, паведамляе карэспандэнт БЕЛТА.
Пераможцай мікста стала расійская каманда, якая паказала рэзультат 1 гадз 12 мін 17,1 сек, другой фінішавала зборная Славакіі (+1 мін 05,0 сек), трэцяе месца ў каманды Украіны (+1 мін 24,1 сек). Беларускія страляючыя лыжнікі - Дар'я Юркевіч, Хрысціна Ільчанка, Уладзімір Чапелін і Сяргей Бачарнікаў - прыйшлі да фінішу чацвёртымі, адстаўшы ад пераможцаў на 2 мін 16,8 сек.
У першай гонцы сённяшняга спаборніцкага дня - змешанай эстафеце сярод юніёраў - беларуская каманда ў складзе Настассі Ануфрыевай, Дзінары Алімбекавай, Ігара Карпюка і Антона Смольскага заваявала бронзу. Першае месца ў расіян, другімі сталі ўкраінскія біятланісты.-0-