25 ліпеня, Мінск /Кар. БЕЛТА/. Беларускія валейбалісткі абыгралі каманду Германіі на Еўрапейскім юнацкім алімпійскім фестывалі ў венгерскім Дзьёры, паведамляе карэспандэнт БЕЛТА.
Нашы валейбалісткі ў першым матчы папярэдняй групы G перамаглі нямецкіх спартсменак з сухім лікам - 3:0. У гэтым сезоне беларускі сталі бронзавымі прызёрамі юніёрскага кантынентальнага першынства.
Беларускія баскетбалісткі стартавалі ў Дзьёры няўдачна, прайграўшы турэцкім равеснікам 76:85.
Папярэднія заплывы прайшлі ў спаборніцтвах плыўцоў. Лепшы рэзультат сярод беларусаў паказала пераможца першынства Еўропы-2017 сярод юніёраў Настасся Шкурдай. Яна выйшла ў фінал, устанавіўшы юніёрскі рэкорд Беларусі на дыстанцыі 100 м у плаванні на спіне - 1 мін 2,94 сек.
Сёння беларускія валейбалісткі згуляюць з камандай Італіі, а баскетбалісткі паспрабуюць адолець іспанскіх спартсменак. Сёння ж вызначацца чэмпіёны і прызёры ў спаборніцтвах па веласпорце, плаванні і дзюдо. У астатніх відах праграмы прадоўжацца папярэднія этапы спаборніцтваў.
У Дзьёры Беларусь прадстаўляюць 96 маладых атлетаў, якія спрачаюцца за ўзнагароды ў дзевяці відах спорту. Еўрапейскі юнацкі алімпійскі фестываль завершыцца 30 ліпеня.-0-