22 ліпеня, Мінск /Кар. БЕЛТА/. Беларускі Ірына Жураўлёва і Ганна Садчанка сталі бронзавымі прызёрамі юнацкага чэмпіянату Еўропы па барацьбе, які праходзіць у Стакгольме, паведамляе карэспандэнт БЕЛТА.
У вагавой катэгорыі да 56 кг Ірына Жураўлёва паспяхова прайшла па турнірнай сетцы да стадыі паўфіналу, дзе ўступіла прадстаўніцы Украіны Аліне Акобіі - 2:6. У суцяшальным паядынку за бронзавую ўзнагароду беларуска былі мацнейшай за Тамару Долак з Венгрыі 6:2. Ганна Садчанка таксама ўпэўнена правяла папярэднія схваткі з саперніцамі з Польшчы і Грэцыі. Аднак потым уступіла спартсменцы з Турцыі - 0:6. Беларуска ў заключным выхадзе на дыван перамагла ўкраінку Настассю Лаўранчук 4:2 і заняла трэцяе месца.
Наступныя ўзнагароды турніру разыграюць прадстаўнікі грэка-рымскага стылю барацьбы. Чэмпіянат Еўропы для атлетаў да 17 гадоў у Стакгольме прадоўжыцца да 24 ліпеня.-0-