27 чэрвеня, Мінск /Кар. БЕЛТА/. Зборная Беларусі па лёгкай атлетыцы выйшла ў фінал каманднага турніру на II Еўрапейскіх гульнях, паведамляе карэспандэнт БЕЛТА.
У выступленні на стадыёне "Дынама" ўносіў свае карэктывы праліўны дождж. Беларусы змаглі ўпэўнена перамагчы ў кіданні кап'я ў жанчын, Эльвіра Герман з вялікай перавагай выйграла забег на 100 м з бар'ерамі. У скарбонцы беларускай каманды 73 ачкі.
У фінал з другой групы таксама выйшлі спартсмены Італіі (57) і Чэхіі (56).
Раней месца ў вырашальнай стадыі забяспечылі сабе лёгкаатлеты Украіны, Германіі і Францыі.
Фармат турніру прадугледжвае выступленне ў васьмі відах, па выніках кожнага налічваюцца ачкі, а ў дзявятым, эстафеце праследавання, каманды стартуюць у залежнасці ад адставання ў агульным заліку. Фінал у камандным турніры па лёгкай атлетыцы пройдзе 28 чэрвеня.-0-