6 жніўня, Мінск /Кар. БЕЛТА/. У выніку жараб'ёўкі, праведзенай у швейцарскім Ньёне, беларускія футбольныя клубы даведаліся аб патэнцыяльных саперніках у раўндзе плэй-оф Лігі Еўропы, паведамляе карэспандэнт БЕЛТА.
У раўндзе плэй-оф Лігі Еўропы можа прыняць удзел барысаўскі БАТЭ, калі прайграе азербайджанскаму "Карабаху" ў кваліфікацыі Лігі чэмпіёнаў (матчы пройдуць 7 жніўня ў Баку і 14 жніўня ў Барысаве).
Вынікі жараб'ёўкі Лігі Еўропы для беларускіх каманд выглядаюць наступным чынам: "Шэрыф" (Малдова) / "Валюр" (Ісландыя) - "Карабах" (Азербайджан) / БАТЭ (Беларусь), "Апалон" (Кіпр) / "Дынама-Брэст" (Беларусь) - "Вітэс" (Нідэрланды) / "Базель" (Швейцарыя), "Дынама-Мінск" (Беларусь) / "Зеніт" (Расія) - "Хіберніян" (Шатландыя) / "Мольдэ" (Нарвегія). Раўнд плэй-оф Лігі Еўропы пройдзе 23 і 30 жніўня.
Як паведамлялася, у 3-м кваліфікацыйным раўндзе Лігі Еўропы брэсцкае "Дынама" згуляе супраць кіпрскага "Апалона", мінскае "Дынама" - з "Зенітам". Матчы пройдуць 9 і 16 жніўня.-0-
