17 кастрычніка, Мінск /Кар. БЕЛТА/. Футбалісты юнацкай зборнай Беларусі (U-17) прабіліся ў элітны раўнд адборачнага турніру чэмпіянату Еўропы, паведамляе карэспандэнт БЕЛТА.
16 кастрычніка на фінішы спаборніцтваў у групе 11 у Партугаліі беларусы перайгралі казахстанцаў з лікам 2:1. Беларускія футбалісты пайшлі на перапынак, уступаючы 0:1, але затым Кірыл Забелін і Максім Натынчык прынеслі камандзе валявую перамогу.
У першым туры каманда Міхаіла Мархеля згуляла ўнічыю з равеснікамі з Уэльса 2:2, а затым уступіла партугальцам 0:3.
Падагульняючае становішча: Партугалія - 9 ачкоў, Беларусь - 4, Казахстан - 3, Уэльс - 1. Партугальскія і беларускія футбалісты прадоўжаць барацьбу ў элітным раўндзе кваліфікацыі ЧЕ.
Футбалісты юніёрскай зборнай Беларусі (U-19) перамаглі Андору з рэзультатам 2:0 у заключным матчы першага кваліфікацыйнага раўнда чэмпіянату Еўропы ў швейцарскім Базелі. Да гэтага падапечныя Кірыла Альшэўскага пацярпелі паражэнні ад равеснікаў са Швейцарыі - 0:1 і Іспаніі - 0:3.
Падагульняючае становішча ў групе 12: Іспанія - 9 ачкоў, Швейцарыя - 6, Беларусь - 3, Андора - 0. Іспанцы і швейцарцы выйшлі ў наступны этап адборачнага турніру юніёрскага кантынентальнага першынства.-0-
