Сцяг Пятніца, 29 сакавіка 2024
Усе навіны
Усе навіны
Спорт
23 кастрычніка 2018, 09:31

Беларускі барэц Іван Янкоўскі заваяваў серабро на ЧС у Будапешце

23 кастрычніка, Мінск /Кар. БЕЛТА/. Беларускі барэц вольнага стылю Іван Янкоўскі заваяваў сярэбраны медаль чэмпіянату свету ў Будапешце (Венгрыя), паведамляе карэспандэнт БЕЛТА.

У фінальным паядынку катэгорыі да 92 кг процістаяў беларускаму атлету сапернік з ЗША, бронзавы прызёр Гульняў-2016 і чэмпіянату свету 2017 года Джэйдэн Майкл Тборы Кокс. Больш знакаміты сапернік аказаўся мацнейшым. Для Івана Янкоўскага гэта першы сур'ёзны поспех пасля траўмы, што здарылася перад Алімпіядай 2016 года.

Бронзавую ўзнагароду ў скарбонку беларускай каманды прынёс Алі Шабанаў (79 кг). Паядынак за трэцяе месца з іранцам Эзатолам Абасам Акбарызарынкалае атрымаўся драматычным. Алі Шабанаў упэўнена правёў пачатак схваткі і вёў на апошняй мінуце па ачках - 8:5. Іранец прымяніў некалькі ўдалых прыёмаў, а на апошніх секундах спрабаваў правесці пераможны накат, але пасля відэапрагляду суддзі аддалі перавагу беларускаму спартсмену.

Чэмпіянат свету па барацьбе прадоўжыцца ў Будапешце да 28 кастрычніка.-0-

Падпісвайцеся на нас у
Twitter
Топ-навіны
Свежыя навіны Беларусі