9 снежня, Мінск /Кар. БЕЛТА/. Беларуска Настасся Міхаленка заваявала сярэбраную ўзнагароду маладзёжнага (U-23) чэмпіянату Еўропы, які праходзіць у ізраільскім Эйлаце, паведамляе карэспандэнт БЕЛТА.
У вагавой катэгорыі да 69 кг Настасся Міхаленка змагла паказаць рэзультат у дваябор'і 222 кг (97+125 кг), выканаўшы паспяхова ўсе шэсць спроб (па тры ў рыўку і тры ў штуршку). Перасягнуць дасягненне беларускі ўдалося толькі саперніцы з Расіі Надзеі Ліхачовай - 235 кг (105+130 кг). Бронзавым прызёрам маладзёжнага чэмпіянату да 23-х гадоў стала полька Іаланта Віёр - 209 кг (95+114 кг).
Настасся Міхаленка таксама заняла другое месца на юніёрскім чэмпіянаце ў Вроцлаве ў чэрвені 2015 года, дзе беларуска выступіла ў катэгорыі да 75 кг. На Алімпійскіх гульнях у Рыа Настасся Міхаленка не змагла справіцца з пачатковай вагой штангі ў памеры 103 кг і выбыла з ліку прэтэндэнтаў на ўзнагароды.
У беларускай камандзе ў Эйлаце раней сярэбраны медаль у спаборніцтвах сярод юніёраў (U-21) заваявала Хрысціна Макуцэвіч (да 53 кг). Чэмпіянат Еўропы ў Ізраілі завершыцца 11 снежня.-0-
