14 мая, Мінск /Кар. БЕЛТА/. Беларуская тэнісістка Арына Сабаленка, нягледзячы на пройгрыш у другім раўндзе кваліфікацыі, усё ж такі выступіць у асноўнай сетцы турніру ў Рыме (прызавы фонд - $3 млн). Беларуска, якая займае 45-е месца ў сусветным рэйтынгу, разам з 54-й ракеткай планеты Зарынай Дыяс з Казахстана трапіла ў лік "лакі-лузераў", паведамляе карэспандэнт БЕЛТА.
Першай саперніцай Арыны Сабаленка ў асноўным турніры стане 50-й нумар рэйтынгу WTA Се Шувэй з Кітайскага Тайбэя.
Яшчэ адна беларуска Вікторыя Азаранка (84-ы нумар сусветнага рэйтынгу) у першым раўндзе будзе сапернічаць з японкай Наомі Осакай (21). Пераможца іх сустрэчы згуляе ў другім крузе з першай ракеткай планеты румынкай Сімонай Халеп.
На мужчынскім турніры ва ўзбекскім Самаркандзе (прызавы фонд - $75 тыс.) згуляюць тры беларусы. Уладзімір Ігнацік (215-ы нумар рэйтынгу АТР) у першым раўндзе сустрэнецца з іспанцам Раберта Артэгам-Альмеда (286), сапернікам пераможцы нядаўняга турніру ў Каршы Ягора Герасімава (236) будзе яшчэ адзін іспанскі тэнісіст Марыа Вілелья Марцінес (321), фіналіст турніру ў Каршы Сяргей Бетаў даведаецца пра свайго апанента пасля завяршэння кваліфікацыі.-0-
