26 красавіка, Мінск /Кар. БЕЛТА/. Беларуска Вікторыя Чайка стала пераможцай этапу Кубка свету па кулявой стральбе, які праходзіць у Чханвоне (Рэспубліка Карэя), паведамляе карэспандэнт БЕЛТА.
У стральбе з пнеўматычнага пісталета на 10 м беларуская спартсменка выдатна правяла фінальную серыю, набраўшы 241,7 бала. У спаборніцтвах па стральбе з малакалібернага пісталета на 25 м Вікторыя Чайка заняла 14-е месца.
У мужчын беларус Юрый Шчарбацэвіч апынуўся на пятай падагульняючай пазіцыі ў стральбе з малакалібернай вінтоўкі на 50 м, набраўшы 426,7 бала. Яго таварышы па беларускай камандзе ў фінал не прабіліся - Ілья Чаргейка заняў 11-е месца, Віталь Бубновіч стаў 54-м сярод 76 удзельнікаў.
Кубкавы этап завершыцца 30 красавіка.-0-
