29 чэрвеня, Мінск /Кар. БЕЛТА/. Першыя камплекты ўзнагарод разыгралі ўдзельнікі спаборніцтваў па спартыўнай гімнастыцы на II Еўрапейскіх гульнях, паведамляе карэспандэнт БЕЛТА.
У жаночым мнагабор'і чэмпіёнскі тытул заваявала расіянка Ангеліна Мельнікава, якая набрала па выніках чатырох практыкаванняў 54,498 бала. Серабро ў францужанкі Ларэт Шарпі (54,166), бронзу заваявала ўкраінка Дзіяна Варынская (52,766). Юная беларуская гімнастка Настасся Алістратава набрала 50,165 бала і заняла 12-е падагульняючае месца сярод 18 удзельніц фінальнай стадыі.
У мужчын уладальнікам залатога медаля стаў расійскі атлет Давід Бяляўскі, які ў шасці дысцыплінах зарабіў 85,465 бала. Другое месца заняў украінец Алег Вярняеў (84,632), на трэцяй пазіцыі яшчэ адзін расіянін Уладзіслаў Паляшоў (84,464). Беларусы не прымалі ўдзелу ў мнагабор'і, а заўтра паспрабуюць атрымаць узнагароды на асобных снарадах.-0-
