Мабільная версія
ДЗЯРЖОРГАНЫ
Апошнія навіны
Усе навіны

Беларуска Святлана Саханенка заваявала другі залаты медаль на Паралімпіядзе ў Пхёнчхане

Спорт 14.03.2018 | 10:21
Святлана Саханенка і Раман Яшчанка. Фота Аляксея Кавалёва
Святлана Саханенка і Раман Яшчанка. Фота Аляксея Кавалёва

14 сакавіка, Мінск /Кар. БЕЛТА/. Беларуска Святлана Саханенка заваявала другі залаты медаль на XII зімовых Паралімпійскіх гульнях у Пхёнчхане, паведамляе карэспандэнт БЕЛТА.

У вырашальным забегу лыжнага спрынту на 1,5 км класічным ходам сярод атлетаў са слабым зрокам разам са сваім партнёрам Раманам Яшчанкам, які вёў яе па дыстанцыі, беларуска перасякла фінішны створ першай і паказала рэзультат 4 мін 29,9 сек. Другое месца заняла тытулаваная паралімпійская спартсменка з Расіі Міхаліна Лысава - +14,1 сек. Бронзавую ўзнагароду заваявала ўкраінка Аксана Шышкава - +15,7 сек.

Для Святланы Саханенка гэта ўжо другі залаты медаль на зімовай Паралімпіядзе. Раней яна заняла першае месца ў гонцы на 15 км свабодным стылем, а таксама стала бронзавым прызёрам у біятлоне на 6 км. Беларуска з'яўляецца выхаванкай Наваполацкага вучылішча алімпійскага рэзерву, але з-за пагаршэння стану здароўя ёй давялося спыніць заняткі прафесійным спортам.

У біятлонным цэнтры "Альпенсія" ў Пхёнчхане сёння завяршыліся спрынтарскія лыжныя гонкі. Як паведамлялася, беларус Дзмітрый Лобан заняў другое месца ў катэгорыі сярод атлетаў з парушэннем апорна-рухальнага апарату. У гэтай жа катэгорыі беларуска Лідзія Графеева стала чацвёртай. Уладальнік трох узнагарод (залатой і дзвюх сярэбраных) Паралімпіяды Пхёнчхана Юрый Голуб на гэты раз не змог прайсці кваліфікацыю, паказаўшы дзявяты рэзультат у адборачных забегах.

Пасля поспеху ў лыжных спрынтах Святланы Саханенка і Дзмітрыя Лобана ў скарбонцы беларускай каманды стала дзевяць узнагарод: тры залатыя, чатыры сярэбраныя і дзве бронзавыя. Зборная займае восьмую пазіцыю ў медальным заліку.

XII зімовыя Паралімпійскія гульні ў Пхёнчхане завершацца 18 сакавіка.-0-

Фота Аляксея Кавалёва.

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Стадыён "Дынама" Стадыён "Дынама" быў афіцыйна адкрыты 12 чэрвеня 1934 года, рэканструяваны ў 1939 годзе, разбураны ў час Вялікай Айчыннай вайны. Новы стадыён пабудаваны ў 1947-1954 гадах.