18 ліпеня, Мінск /Кар. БЕЛТА/. Беларуская тэнісістка Аляксандра Сасновіч пераможна стартавала на турніры ў румынскім Бухарэсце (прызавы фонд - $226 тыс.), паведамляе карэспандэнт БЕЛТА.
17 ліпеня ў паядынку першага раўнда Аляксандра Сасновіч абыграла румынку Ірыну Бару ў двух сэтах з аднолькавым лікам 6:4. Сустрэча працягвалася 1 гадзіну 38 хвілін. У 1/8 фіналу саперніцай беларускі будзе пераможца матчу паміж немкай Юліей Гергес і амерыканкай Алексай Глэтч.
Тры беларускія тэнісісты паспяхова пачалі выступленні на мужчынскім турніры ў Астане (прызавы фонд - $125 тыс.). У адзіночным разрадзе Яраслаў Шыла перайграў расіяніна Івана Нядзельку - 7:6 (7:5), 6:4, а Ягор Герасімаў быў мацнейшым за казахстанскага тэнісіста Андрэя Голубева - 6:1, 6:1. У парным разрадзе Дзмітрый Жырмонт і прадстаўнік Казахстана Цімур Хабібулін абыгралі турэцкі дуэт Аніл Юксель / Алтуг Цэлікбілек - 6:4, 6:2.-0-
