26 ліпеня, Мінск /Кар. БЕЛТА/. Беларуская тэнісістка Аляксандра Сасновіч (42-і нумар рэйтынгу WTA) атрымала другую перамогу на турніры ў Moscow River Cup у расійскай сталіцы, паведамляе карэспандэнт БЕЛТА.
У паядынку 1/8 фіналу Аляксандра перамагла расіянку Яўгенію Родзіну (84) - 7:5, 6:2. Сустрэча прадаўжалася 1 гадз 40 хв.
На старце спаборніцтваў Аляксандра Сасновіч упэўнена перайграла шведскую тэнісістку Ёхану Ларсан (77) - 6:1, 6:3. Наступнай саперніцай беларускі будзе пераможца матчу паміж латвійскай тэнісісткай Настассяй Севастовай (20) і румынкай Ірынай Марыяй Барэ (140).
У парным разрадзе гэтых спаборніцтваў беларуска-расійскі дуэт Лідзія Марозава / Вераніка Кудзярметава выбыў з барацьбы пасля першага раўнда, уступіўшы ў двух сэтах харвацка-японскаму тандэму Дар'я Юрак / Рыка Фудзівара - 4:6, 5:7.
Турнір Moscow River Cup праводзіцца ўпершыню, яго прызавы фонд складае $750 тыс. Матчы праходзяць на адкрытых грунтавых кортах Нацыянальнага тэніснага цэнтра Расіі імя Хуана Антоніа Самаранча. Спаборніцтвы завершацца ў нядзелю, 29 ліпеня. Пераможца адзіночнага разраду атрымае $163 тыс.-0-
