11 чэрвеня, Мінск /Кар. БЕЛТА/. Беларуска Алена Наздрова заваявала золата на чэмпіянаце Еўропе па веславанні на байдарках і каноэ ў Бялградзе, паведамляе карэспандэнт БЕЛТА.
У фінальным заездзе каноэ-адзіночкі на 500 м беларуска ўпэўнена лідзіравала на працягу ўсёй дыстанцыі - 2 мінуты 03,53 секунды. Наздрова апярэдзіла расіянку Ксенію Курач, якая заняла другое месца, і Людмілу Лузан з Украіны, якая фінашавала трэцяй.
Яшчэ адзін медаль у скарбонку зборнай Беларусі прынесла жаночая байдарка-чацвёрка ў складзе Аліны Світа, Надзеі Ляпешка, Марыны Літвінчук і Вольгі Худзенка. Яны заваявалі сярэбраную ўзнагароду на дыстанцыі 500 м, уступіўшы толькі моцнаму квартэту з Венгрыі Анне Караш, Эрыцы Медведцкі, Дануце Козак і Доры Бодані ўсяго 1,134 секунды.
На кантынентальным форуме весляроў у першы дзень фіналаў беларусы ўступілі ў васьмі відах праграмы. Алег Юрэня ў байдарках-адзіночках на 1000 м заняў шостае месца, у гэтым жа відзе ў жанчын Карына Бандарэнка таксама стала шостай. Нядрэнны заезд правялі ў каноэ-чацвёрцы беларусы Максім Крысько, Мікіта Мергур'еў, Дзмітрый Лапата, Дзяніс Махлай: доўгі час яны лідзіравалі на дыстанцыі 500 м, але на фінішы ўступілі сапернікам з Расіі, Украіны і Польшчы.
Чэмпіянат Еўропы па веславанні на байдарках і каноэ з'яўляецца адборачным да II Еўрапейскіх гульняў у Мінску, якія адбудуцца ў 2019 годзе.-0-
