8 снежня, Мінск /Кар. БЕЛТА/. Беларус Ілья Шымановіч заняў восьмае месца на чэмпіянаце свету па плаванні ў 25-метровым басейне, які праходзіць у канадскім Уінсары, і ўстанавіў нацыянальны рэкорд на дыстанцыі 100 м брасам, паведамляе карэспандэнт БЕЛТА.
У вырашальным заплыве, у якім разыгрываліся медалі, Ілья Шымановіч не змог дацягнуцца да п'едэстала, але абнавіў нацыянальны рэкорд. Новы лепшы час беларускіх плыўцоў на дыстанцыі 100 м брасам - 57,28 сек. Пераможца заплыву Марка Кох з Германіі пераадолеў дыстанцыю за 56,77 сек. Другім завяршыў выступленне расіянін Уладзімір Марозаў - 57,00 сек. Бронзавым прызёрам стаў Фабіа Скацолі з Італіі - 57,04 сек.
У фінале змешанай эстафеты 4х50 м вольным стылем беларусы Антон Латкін, Арцём Мачэкін, Юлія Хітрая і Аляксандра Герасіменя занялі шостае месца - 1 мін 31,32 сек. Званне чэмпіёнаў свету заваявала каманда Расіі - 1 мін 29,73 сек.
Лідары мужчынскай зборнай Беларусі Павел Санковіч і Яўген Цуркін не прабіліся ў фінал на дыстанцыі 100 м батэрфляем, паказаўшы ў папярэднім заплыве 10-ы і 14-ы рэзультаты адпаведна.
Чэмпіянат свету па плаванні ў 25-метровым басейне ў канадскім Уінсары завершыцца 11 снежня.-0-
