4 жніўня, Мінск /Кар. БЕЛТА/. Беларускі тэнісіст Андрэй Васілеўскі і чыліец Ханс Падліпнік-Касцілья выйшлі ў паўфінал турніру Generali Open у аўстрыйскім Кіцбюэлі (прызавы фонд - 482 тыс. еўра), паведамляе карэспандэнт БЕЛТА.
3 жніўня ў матчы 1/4 фіналу парнага разраду беларуска-чылійскі тандэм адолеў аргенціна-чылійскі дуэт Арасіа Себальяс / Хуліа Перальта - 3:6, 6:3, 10:8.
Раней паўфіналістамі гэтых спаборніцтваў сталі беларус Максім Мірны і аўстрыец Філіп Освальд.
На жаночым турніры ў амерыканскім Лексінгтоне (прызавы фонд - $60 тыс.) беларуска Вера Лапко (241-ы нумар рэйтынгу WTA) выйшла ў чвэрцьфінал, абыграўшы новазеландскую тэнісістку Эрын Рутліф (1164) - 6:4, 6:1.-0-
