24 кастрычніка, Мінск /Кар. БЕЛТА/. Футбалісты барысаўскага БАТЭ перамаглі магілёўскі "Днепр" з лікам 2:0 і падняліся на другое месца ў турнірнай табліцы чэмпіянату Беларусі, паведамляе карэспандэнт БЕЛТА.
У першым тайме гасцявога паядынку 26-га тура, што адбыўся 23 кастрычніка, барысаўчане не змаглі дабіцца поспеху. Затое ў хуткім часе пасля перапынку Аляксей Рыяс адкрыў лік, а затым вызначыўся і лепшы бамбардзір цяперашняга чэмпіянату Міхаіл Гардзяйчук, на рахунку якога стала 15 мячоў. Падапечныя Аляксандра Ермаковіча набралі 57 ачкоў і абышлі мінскае "Дынама", у якога на адзін бал менш. Мінчане ў гэтым туры прымалі на сваім полі мазырскую "Славію" і змаглі дабіцца толькі нічыёй - 0:0. Лідар першынства салігорскі "Шахцёр" перайграў у гасцях футбалістаў "Віцебска" з лікам 2:1 і набраў 59 ачкоў.
Вынікі астатніх сустрэч 26-га тура:
"Крумкачы" (Мінск) - "Гарадзея" - 0:3,
"Нафтан" (Наваполацк) - "Дынама" (Брэст) - 0:4,
"Нёман" (Гродна) - "Гомель" - 3:0,
"Слуцк" - "Іслач" (Мінскі раён) - 1:3,
"Тарпеда-БелАЗ" (Жодзіна) - "Мінск" - 1:1.
У наступным туры сустракаюцца:
27 кастрычніка - "Шахцёр" - "Днепр".
28 кастрычніка - БАТЭ - "Нафтан", "Іслач" - "Дынама" (Мінск), "Слуцк" - "Крумкачы", "Гомель" - "Гарадзея".
29 кастрычніка - "Мінск" - "Нёман", "Славія" - "Віцебск", "Дынама" (Брэст) - "Тарпеда-БелАЗ".-0-