19 красавіка, Мінск /Кар. БЕЛТА/. Першыя паўфінальныя матчы розыгрышу футбольнага Кубка Беларусі завяршыліся перамогамі гаспадароў з аднолькавым лікам 2:0, паведамляе карэспандэнт БЕЛТА.
Цяперашнія ўладальнікі трафея брэсцкія дынамаўцы выйгралі ў магілёўскага "Дняпра" дзякуючы галам Паўла Савіцкага і Джоэла Фамее.
Дзеючыя чэмпіёны Беларусі футбалісты БАТЭ на полі "Барысаў-Арэны" перайгралі гродзенскі "Нёман" пасля дакладных удараў Мірка Іваніча і Міхаіла Гардзейчука.
Сустрэчы ў адказ за выхад у фінал адбудуцца 2 мая ў Магілёве і Гродне. Вырашальны паядынак за Кубак краіны пройдзе 19 мая на магілёўскім стадыёне "Спартак".-0-