Мабільная версія
ДЗЯРЖОРГАНЫ
Апошнія навіны
Усе навіны

Баскетбалісты юнацкай зборнай Беларусі выйгралі ў Балгарыі на чэмпіянаце Еўропы

Спорт 18.08.2017 | 17:21
Фота з архіва
Фота з архіва

18 жніўня, Мінск /Кар. БЕЛТА/. Баскетбалісты юнацкай зборнай Беларусі (U-16) пераможна стартавалі ў суцяшальным турніры чэмпіянату Еўропы (дывізіён В) у Сафіі, паведамляе карэспандэнт БЕЛТА.

У першым паядынку спаборніцтваў за 9-16-я месцы беларусы ва ўпартай барацьбе перамаглі балгарскіх баскетбалістаў з лікам 71:65 (16:16, 20:16, 16:14, 19:19). Самым рэзультатыўным у складзе пераможцаў стаў Кірыл Цецерукоў, у актыве якога 20 ачкоў. Сёння падапечныя Аляксандра Падзерачова ў барацьбе за 9-12-я месцы правядуць сустрэчу з равеснікамі з Ірландыі. Пераможца гэтага матчу 19 жніўня згуляе з лепшай камандай пары Польшча - Боснія і Герцагавіна.

Сёння ў балгарскай сталіцы праходзяць два паўфінальныя паядынкі: Вялікабрытанія - Грэцыя, Грузія - Нідэрланды. Пуцёўкі ў элітны дывізіён юнацкага кантынентальнага першынства атрымаюць тры прызёры другога дывізіёна, якія вызначацца 19 жніўня.

У гэты ж дзень баскетбалісты нацыянальнай зборнай Беларусі правядуць галоўны матч першага раўнда кваліфікацыі чэмпіянату свету-2019. У партугальскай Каімбры беларусы згуляюць з камандай Партугаліі за выхад у асноўны этап кваліфікацыі сусветнага першынства. Першае месца ў групе D занялі балгарскія баскетбалісты, якія па два разы перамаглі беларусаў і партугальцаў. Каманда Аляксандра Круцікава ў першым крузе гэтага міні-турніру прымала партугальцаў у Мінску і перамагла гасцей з розніцай 3 балы - 78:75. У асноўны этап кваліфікацыі сусветнага форуму 2019 года выходзяць дзве лепшыя зборныя з чатырох папярэдніх груп.-0-

Версія для друку
Навіны рубрыкі Спорт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сельская гаспадарка Беларусі На пачатак 2017 года ў Беларусі налічвалася 8 428,7 тыс. га сельскагаспадарчых зямель, што складае каля 40% ад усіх тэрыторый рэспублікі і супастаўна з плошчай Аўстрыі.