21 жніўня, Мінск /Кар. БЕЛТА/. Беларуская тэнісістка Арына Сабаленка (25-ы нумар рэйтынгу WTA) выйшла ў 1/8 фіналу турніру ў амерыканскім Нью-Хейвене, паведамляе карэспандэнт БЕЛТА.
У першым раўндзе Сабаленка ўпэўнена абыграла аўстралійку Саманту Стосур (64) - 6:3, 6:2. Сустрэча прадаўжалася 1 гадзіну 12 хвілін. У 1/8 фіналу Сабаленка сустрэнецца з яшчэ адной аўстралійскай тэнісісткай Дар'яй Гаўрылавай (24).
Беларуска Аляксандра Сасновіч (37) у паядынку 1/16 фіналу адолела французскую тэнісістку Крысціну Младзенавіч (54) і ў матчы за выхад у чвэрцьфінал згуляе з іншай прадстаўніцай Францыі Каралін Гарсіей (6).
У парным разрадзе беларуска Лідзія Марозава і японка Сюко Аояма прайгралі чэшскаму тандэму Барбара Стрыцава / Андрэа Главачкава - 2:6, 1:6.-0-