22 лістапада, Мінск /Кар. БЕЛТА/. Беларуская тэнісістка Арына Сабаленка паспяхова стартавала на турніры ў індыйскім Мумбаі з прызавым фондам $115 тыс., паведамляе карэспандэнт БЕЛТА.
Сёння ў паядынку 1/16 фіналу Сабаленка, якая займае 96-е месца ў сусветным рэйтынгу, абыграла аўстралійку Прысцылу Хон (214-ы нумар рэйтынгу WTA) у двух сэтах - 7:5, 6:1. Цяпер у матчы за выхад у чвэрцьфінал Арына Сабаленка, пасеяная пад першым нумарам, згуляе з кітаянкай Лю Цзя-Цзын (207).
Спаборніцтвы ў Мумбаі завершацца 26 лістапада.-0-