15 студзеня, Мінск /Кар. БЕЛТА/. У абноўленым рэйтынгу Жаночай тэніснай асацыяцыі (WTA) беларуска Арына Сабаленка займае 66-е месца, што пакуль з'яўляецца яе лепшым дасягненнем за прафесійную кар'еру, паведамляе карэспандэнт БЕЛТА.
На мінулым тыдні Арына была на 69-й пазіцыі, а пасля турніру ў аўстралійскім Хобарце, дзе яна дайшла да чвэрцьфіналу, узнялася на 3 радкі вышэй, набраўшы 943 ачкі.
Першая ракетка Беларусі Аляксандра Сасновіч на мінулым тыдні не гуляла і страціла 3 пазіцыі - апусцілася з 53-га на 56-е месца (1052 ачкі).
На гэтым тыдні абедзве беларускія тэнісісткі прымуць старт на першым у сезоне турніры серыі "Вялікага шлема" - адкрытым чэмпіянаце Аўстраліі. У першым раўндзе адзіночнага разраду Аляксандра Сасновіч згуляе з амерыканкай Крысцінай Макхейл (73-і нумар сусветнага рэйтынгу), Арына Сабаленка будзе сапернічаць з аўстралійкай Эшлі Барці (17).-0-