25 студзеня, Мінск /Кар. БЕЛТА/. Аршанскі "Вітэн" і мінская "Сталіца" сталі фіналістамі розыгрышу Кубка Беларусі па міні-футболе, паведамляе карэспандэнт БЕЛТА.
У гасцявым паядынку 1/2 фіналу аршанская дружына гуляла ў Пінску супраць мікашэвіцкага "Граніта" і дабілася нічыёй - 3:3. У першым паўфінальным матчы "Вітэн" адолеў сапернікаў у сябе дома з мінімальнай перавагай 1:0 і шосты раз выйшаў у фінал кубкавага розыгрышу. Аршанцы двойчы станавіліся ўладальнікамі Кубка краіны.
Сапернікам аршанцаў будзе дзеючы чэмпіён краіны мінская "Сталіца", якая абыграла цяпер ужо экс-уладальніка Кубка "Дарожнік". У іх першай сустрэчы за выхад у фінал "сталічнікі" выйгралі 2:0, а затым разграмілі сапернікаў з лікам 8:4.
Вырашальны паядынак 28-га па ліку кубкавага розыгрышу адбудзецца ў нядзелю, 28 студзеня, у Оршы.-0-
