22 жніўня, Мінск /Кар. БЕЛТА/. Галоўны трэнер футбольнай зборнай Беларусі Аляксандр Хацкевіч назваў склад каманды на матчы са зборнымі Нарвегіі і Францыі, паведамляе карэспандэнт БЕЛТА.
Да маючых адбыцца сустрэч будуць рыхтавацца 23 футбалісты:
варатары - Андрэй Гарбуноў ("Атрамітас", Афіны, Грэцыя), Сяргей Чэрнік ("Нансі", Францыя), Аляксандр Гутар ("Арэнбург", Расія);
абаронцы - Дзяніс Палякоў, Максім Валадзько (абодва - БАТЭ, Барысаў), Ігар Шытаў ("Астана", Казахстан), Аляксандр Мартыновіч ("Краснадар", Расія), Сяргей Палітэвіч ("Генчлербірлігі", Анкара, Турцыя), Раман Бегуноў ("Дынама", Мінск), Ягор Філіпенка ("Макабі", Тэль-Авіў, Ізраіль), Міхаіл Сівакоў ("Зара", Луганск, Украіна), Максім Бардачоў ("Томь", Томск, Расія);
паўабаронцы - Сяргей Кісляк ("Газіянтэпспар", Турцыя), Станіслаў Драгун ("Дынама", Масква, Расія), Ігар Стасевіч, Міхаіл Гардзяйчук, Аляксандр Глеб, Аляксей Рыёс (усе - БАТЭ, Барысаў), Сяргей Крывец ("Вісла", Плоцк, Польшча), Іван Маеўскі ("Анжы", Махачкала, Расія), Мікіта Корзун ("Дынама", Кіеў, Украіна), Цімафей Калачоў ("Растоў", Расія);
нападаючыя - Сяргей Карніленка ("Крылы Саветаў", Самара, Расія), Мікалай Сігневіч (БАТЭ, Барысаў).
Беларускія футбалісты збяруцца 28 жніўня ў Мінску і будуць трэніравацца на комплексе футбольных палёў АБФФ, а затым адправяцца ў Осла, дзе ў апошні дзень лета адбудзецца таварыскі матч са зборнай Нарвегіі. Вярнуўшыся на радзіму, зборная Беларусі прадоўжыць падрыхтоўку да першага адборачнага паядынку чэмпіянату свету-2018 супраць каманды Францыі, які адбудзецца 6 верасня на полі "Барысаў-Арэны". Акрамя французаў сапернікамі беларусаў у кваліфікацыйнай групе А будуць зборныя Нідэрландаў, Швецыі, Балгарыі і Люксембурга.-0-
