Сцяг Пятніца, 29 сакавіка 2024
Усе навіны
Усе навіны
Грамадства
19 мая 2017, 11:23

Жарко даручыў своечасова падрыхтаваць летнія лагеры да прыёму дзяцей

19 мая, Мінск /Кар. БЕЛТА/. Намеснік прэм'ер-міністра Васіль Жарко даручыў своечасова падрыхтаваць аздараўленчыя лагеры да прыёму дзяцей. Аб гэтым ішла размова на нарадзе па падрыхтоўцы і правядзенні дзіцячай летняй аздараўленчай кампаніі 2017 года пад старшынствам віцэ-прэм'ера, паведамілі БЕЛТА ў прэс-службе ўрада.

На нарадзе адзначана, што ў краіне створаны неабходныя ўмовы, якія даюць магчымасць забяспечыць у летні перыяд аздараўленне ўсіх маючых патрэбу і жадаючых адпачыць дзяцей ва ўзросце ад 6 да 18 гадоў. Летам бягучага года будуць функцыянаваць 6072 дзіцячыя аздараўленчыя лагеры (1553 - з кругласутачным знаходжаннем дзяцей, у тым ліку 146 стацыянарных, і 4519 лагераў з дзённым).

На правядзенне дзіцячай летняй аздараўленчай кампаніі 2017 года са сродкаў рэспубліканскага бюджэту будзе накіравана Br39,1 млн. Сярэдні кошт пуцёўкі ў аздараўленчы лагер з кругласутачным знаходжаннем на 18 дзён - Br410 (пры гэтым памер патаннення кошту пуцёўкі за кошт дзяржаўных сродкаў складзе Br175, або 43 працэнты ад яе поўнага кошту), з дзённым знаходжаннем - Br90 (памер патаннення - Br72, або 80 працэнтаў ад яе поўнага кошту).

Частка затрат на набыццё пуцёвак будзе ажыццяўляцца за кошт сродкаў прадпрыемстваў, прафсаюзных арганізацый, а таксама мясцовых бюджэтаў.

Паводле папярэдняй ацэнкі, у аздараўленчых лагерах усіх тыпаў у летні перыяд будзе аздароўлена больш за 357 тыс. дзяцей, у тым ліку 12,6 тыс. дзяцей-сірот і 3,9 тыс. дзяцей-інвалідаў.

Для прыняцця дадатковых мер па арганізацыі эфектыўнага летняга аздараўлення дзяцей па выніках нарады Васілём Жарко дадзены даручэнні ўсім зацікаўленым па забеспячэнні своечасовай і поўнай гатоўнасці лагераў да прыёму дзяцей, іх укамплектаванасці кадрамі, распрацоўцы цікавых праграм культурна-масавых і спартыўных мерапрыемстваў. Асаблівы акцэнт зроблены на забеспячэнні бяспечнага знаходжання дзяцей у лагерах, павелічэнні ахопу аздараўленнем дзяцей-інвалідаў, дзяцей-сірот і дзяцей, якія засталіся без апекі бацькоў, а таксама цяжкіх падлеткаў.-0-

Падпісвайцеся на нас у
Twitter
Топ-навіны
Свежыя навіны Беларусі