1 лістапада, Мінск /Кар. БЕЛТА/. У Беларусі з 1 лістапада па ўсёй рэспубліцы ўстанаўліваецца забарона на лоўлю сома звычайнага. Такая інфармацыя размешчана на сайце Беларускага таварыства паляўнічых і рыбаловаў, паведамляе БЕЛТА.
"З набліжэннем зімы сом шматлікімі групамі залягае ў ямах і (або) іншых укрыццях, дзе праводзіць зімовы перыяд у нерухомым стане, тым самым з'яўляючыся лёгкай здабычай для нядобрасумленных рыбаловаў. Устанаўленне забароны накіравана на захаванне папуляцыі сома звычайнага", - растлумачылі ў арганізацыі.
Забарона на лоўлю сома прадоўжыцца ў Беларусі да 31 сакавіка.
Таксама з 1 лістапада па 15 снежня ў сувязі з нерастам устанаўліваецца забарона на лоўлю сіга чудскога.-0-