Сцяг Пятніца, 29 сакавіка 2024
Усе навіны
Усе навіны
Грамадства
12 красавіка 2016, 14:54

Wi-Fi ў транспарце можна будзе раздаваць без спецдазволаў

12 красавіка, Мінск /Кар. БЕЛТА/. У Беларусі раздаваць Wi-Fi ў транспарце можна будзе без спецдазволаў. Аб гэтым паведаміў карэспандэнту БЕЛТА начальнік аддзела фіксаванай службы і міжнароднай абароны радыёчастот РУП "БелДІЭ" Аляксей Івашкін па выніках пасяджэння Дзяржаўнай камісіі па радыёчастотах пры Савеце бяспекі.

Раней для выкарыстання кропак доступу Wi-Fi, устаноўленых у транспарце, патрабавалася атрыманне дазвольных дакументаў у "БелДІЭ".

"Дзяржаўнай камісіяй па радыёчастотах прынята рашэнне рэкамендаваць Мінсувязі ўключыць гэта абсталяванне ў пералік сродкаў, якія не падлягаюць рэгістрацыі і адносна якіх не патрабуецца атрымліваць дазвол на выкарыстанне радыёчастотнага спектра. Інакш кажучы, цяпер у транспарце можна выкарыстоўваць кропкі доступу Wi-Fi для аказання паслуг сувязі без дазвольных дакументаў. Адзінае абмежаванне - магутнасць абсталявання Wi-Fi не павінна перавышаць 100 міліват", - растлумачыў Аляксей Івашкін. Такім чынам, працэдура выкарыстання кропак доступу Wi-Fi на аўтамабільным, чыгуначным, унутраным водным, гарадскім электрычным транспарце будзе спрошчана.

Як растлумачылі ў прэс-службе Міністэрства сувязі і інфарматызацыі, у бліжэйшы час будуць унесены змяненні ў пастановы міністэрства, якія ўстанаўліваюць пералікі радыёэлектронных сродкаў і высокачастотных устройстваў, што не падлягаюць рэгістрацыі і эксплуатуюцца без адпаведнага дазволу.

Акрамя таго, на пасяджэнні прыняты рашэнні аб выдзяленні радыёчастотнага спектра для эксплуатацыі новых радыёвяшчальных станцый і арганізацыі FM-вяшчання ў Гомелі, Магілёве, Бабруйску, Оршы і прылеглых да гэтых гарадоў тэрыторыях. Выдзяленне новых частот для FM-вяшчання стала магчымым дзякуючы поўнаму выключэнню ў Беларусі станцый аналагавага тэлевяшчання.-0-

Падпісвайцеся на нас у
Twitter
Топ-навіны
Свежыя навіны Беларусі