Мабільная версія
ДЗЯРЖОРГАНЫ
Апошнія навіны
ІНФАГРАФІКА: Час стаць прыкметней
20 кастрычніка 2017 Стужка навiн
Усе навіны

Выстаўка БЕЛТА "Параўнай Мінск" з унікальнымі архіўнымі фота адкрылася ў сталіцы

Грамадства 06.09.2017 | 16:38

6 верасня, Мінск /Кар. БЕЛТА/. Фотавыстаўка БЕЛТА "Параўнай Мінск" адкрылася сёння ў гандлёвым цэнтры Galleria Minsk, перадае карэспандэнт БЕЛТА.

Прадстаўленыя на выстаўцы ўнікальныя фатаграфіі - яркая дэманстрацыя таго, як змянялася беларуская сталіца. У экспазіцыю ўвайшлі архіўныя фота Мінска пачынаючы з 1916 года. Усяго экспануецца больш за 50 фатаграфій, на якіх адлюстраваны Траецкае прадмесце, Верхні горад, ГУМ, ЦУМ, вуліцы Леніна, Кірава, Чырвонаармейская, Гандлёвая, плошчы Якуба Коласа, Перамогі, Кастрычніцкая, Прывакзальная, праспекты Незалежнасці і Пераможцаў, Камсамольскае возера, Нацыянальны акадэмічны тэатр імя Янкі Купалы, Няміга.

"Параўнай Мінск" - адзін з раздзелаў мультымедыйнага спецпраекта Беларускага тэлеграфнага агенцтва "Мінск і мінчане", прысвечанага 950-годдзю беларускай сталіцы. Яго прэзентацыя адбылася ў маі на XXI Міжнароднай спецыялізаванай выстаўцы "СМІ ў Беларусі".

Як адзначыў генеральны дырэктар Беларускага тэлеграфнага агенцтва Дзмітрый Жук, фотавыстаўка арыентавана ў першую чаргу на моладзь, хоць цікавая і прадстаўнікам старэйшага пакалення. "Вельмі хацелася б, каб маладыя наведвальнікі выстаўкі ўбачылі, колькі працы ўкладзена ў гэты горад, і ацанілі, колькі намаганняў патрабуецца для падтрымання сталіцы ў такім парадку і прыгажосці", - сказаў Дзмітрый Жук. І дадаў, што для яго, як і для кожнага мінчаніна, асабліва важна эмацыянальная сувязь з горадам свайго дзяцінства.

Усе фатаграфіі зняты ў розныя гады фатографамі БЕЛТА (за выключэннем дарэвалюцыйных рэпрадукцый). Сучасны Мінск прадстаўлены ў асноўным работамі маладых супрацоўнікаў агенцтва. І, мяркуючы па экспазіцыі, гэта работа была для іх вельмі цікавая, хоць і складаная: патрабавалася знайсці такі ж ракурс здымкі, як на архіўнай фатаграфіі шмат дзесяцігоддзяў таму, але ж многія знакавыя месцы сталіцы змяніліся да непазнавальнасці.

Старшыня Мінгарвыканкама Андрэй Шорац падзяліўся сваімі ўражаннямі ад выстаўкі: "Яна цудоўная. Я ўдзячны БЕЛТА за тое, што праведзена паралель паміж старым і сучасным Мінскам. Абсалютна ўпэўнены, што выстаўка будзе цікавая маладым і пажылым мінчанам, гасцям сталіцы".

Выстаўка БЕЛТА "Параўнай Мінск" - сумесны праект БЕЛТА і Цэнтральнага раёна сталіцы, рэалізаваны пры падтрымцы Мінгарвыканкама. Яна будзе экспанавацца паўтара месяца.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Час стаць прыкметней З 16 па 26 кастрычніка Дзяржаўтаінспекцыя праводзіць рэспубліканскую акцыю па прафілактыцы гібелі і траўматызму людзей на дарогах у цёмны час сутак.