Мабільная версія
ДЗЯРЖОРГАНЫ
Апошнія навіны
Усе навіны

Выстаўка беларускіх навукова-тэхнічных распрацовак упершыню пройдзе ў Саудаўскай Аравіі

Грамадства 04.09.2017 | 11:50

4 верасня, Мінск /Кар. БЕЛТА/. Міжнародная выстаўка беларускіх навукова-тэхнічных распрацовак упершыню пройдзе ў Эр-Рыядзе (Саудаўская Аравія) з 23 па 24 кастрычніка ў Навукова-тэхналагічным цэнтры імя караля Абдул-Азіза (KACST). Такая інфармацыя размешчана на сайце НАН, паведамляе БЕЛТА.

На выстаўцы плошчай каля 300 кв.м будуць прадстаўлены каля 200 найноўшых навукова-тэхнічных распрацовак з прыкладна 30 арганізацый НАН Беларусі, Міністэрства адукацыі, Міністэрства прамысловасці і іншых ведамстваў. На стэндах у выглядзе натурных узораў, мультымедыйных прэзентацый і інфармацыйных матэрыялаў будуць дэманстравацца распрацоўкі ў галіне інфармацыйна-камунікацыйных тэхналогій, арыгінальныя прамысловыя тэхналогіі вытворчасці новых матэрыялаў, лекавых прэпаратаў, а таксама прадукцыя нана- і біятэхналогій.

У час выстаўкі адбудзецца сумесны Беларуска-саудаўскі навуковы сімпозіум з удзелам вядучых вучоных дзвюх краін і кіраўніцтва KACST. Па выніках сустрэч чакаецца заключэнне новых дагавораў і кантрактаў аб навукова-тэхнічным супрацоўніцтве.

Выстаўку арганізуе НАН Беларусі ў адпаведнасці з рэспубліканскім планам мерапрыемстваў па правядзенні ў 2017-м Года навукі. Узаемадзеянне арганізацый НАН з навуковымі ўстановамі Саудаўскай Аравіі ажыццяўляецца на аснове пагаднення аб супрацоўніцтве паміж НАН Беларусі і Навукова-тэхналагічным цэнтрам імя караля Абдул-Азіза.

Навукова-тэхналагічны цэнтр імя караля Абдул-Азіза - гэта нацыянальнае навуковае агенцтва Саудаўскай Аравіі. Каб дапамагчы дабіцца пераходу краіны да эканомікі, заснаванай на ведах, KACST садзейнічае развіццю і інвесціраванню ў нацыянальную сістэму навукі, тэхнікі і інавацый, арыентуючы вынікі даследаванняў на індустрыяльную дыверсіфікацыю.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Пробны перапіс насельніцтва У Маладзечанскім раёне Мінскай вобласці 2-13 кастрычніка пройдзе пробны перапіс насельніцтва, які стане падрыхтоўчым этапам перапісу насельніцтва Беларусі 2019 года. Прайсці апытанне можна дома і на стацыянарных участках.