Мабільная версія
ДЗЯРЖОРГАНЫ
Апошнія навіны
Усе навіны

Выбары павінны прайсці з максімальнай адкрытасцю і альтэрнатывай - Ярмошына

Грамадства 15.12.2017 | 13:21

15 снежня, Гродна /Кар. БЕЛТА/. Выбары павінны прайсці з максімальнай адкрытасцю і альтэрнатывай. Такое меркаванне выказала сёння журналістам старшыня Цэнтрвыбаркама Беларусі Лідзія Ярмошына перад пачаткам семінара-вучобы з кіраўнікамі і арганізатарамі кампаніі па выбарах дэпутатаў мясцовых Саветаў, які праходзіць у Гродне, перадае карэспандэнт БЕЛТА.

Кіраўнік ЦВК падкрэсліла важнасць таго, што выбаршчыкам будзе прадастаўлена максімальная альтэрнатыва. Гэта звязана непасрэдна з іх інтарэсам, актыўным удзелам у выбарах.

Лідзія Ярмошына і старшыня Гродзенскага абласнога Савета дэпутатаў Ігар Жук

"Калі мы зацікаўлены ў актыўнасці, калі мы думаем аб тым, што трэба пашыраць міжнародныя выбарчыя стандарты ў выглядзе нашай пазітыўнай правапрымяняльнай практыкі, калі мы хочам зрабіць добрую рэпетыцыю перад галоўнымі выбарчымі кампаніямі, то мы павінны праводзіць выбары з максімальнай альтэрнатывай і адкрытасцю. Важна, што ў нас поўнае ўзаемаразуменне з мясцовымі ўладамі наконт таго, як павінны ажыццяўляцца дэмакратычныя працэсы", - адзначыла Лідзія Ярмошына. Яна падкрэсліла, што скаргаў у ЦВК практычна няма: зафіксаваны толькі адзін зварот з Брэсцкай вобласці, які датычыўся фарміравання выбарчай камісіі.

У час работы семінара

Паводле слоў Лідзіі Ярмошынай, ужо цяпер, на першых этапах выбараў, відаць, што гэта кампанія прывядзе да з'яўлення новых асоб у палітыцы. Зарэгістравана шмат груп, якія заяўляюць сябе як незалежныя кандыдаты. "Гэта зусім новыя людзі, не прадстаўнікі палітычных партый, а хутчэй, сама грамадзянская супольнасць. Цяпер да нас не паступае зваротаў, не звязаных з выбарамі. У нас іншае насельніцтва сфарміравалася за гэты час. Раней маглі напісаць, каб дах адрамантавалі, а цяпер - выключна па пытаннях правядзення выбараў", - адзначыла старшыня Цэнтрвыбаркама.

Навучальныя семінары для кіраўнікоў і арганізатараў кампаніі па выбарах праходзяць ва ўсіх рэгіёнах краіны. "Гэта не проста лекцыя. Важна, што тут задаюць шмат пытанняў, сустрэчы праходзяць ажыўлена. Ёсць двухбаковы абмен паміж мною і выбарчымі камісіямі", - сказала Лідзія Ярмошына. У бліжэйшы час такія семінары пройдуць у Магілёўскай і Гомельскай абласцях.

Старшыня Гродзенскай абласной выбарчай камісіі па выбарах дэпутатаў мясцовых Саветаў Уладзімір Хлябіч

Як паведамлялася, выбары дэпутатаў у мясцовыя Саветы назначаны на 18 лютага 2018 года. Тэрміны вылучэння кандыдатаў - з 10 снежня 2017 года па 8 студзеня 2018 года ўключна. Перыяд перадвыбарнай агітацыі прадоўжыцца аж да 18 лютага. Дэпутатам мясцовага Савета можа быць выбраны грамадзянін Беларусі, які дасягнуў 18 гадоў, калі ён не мае судзімасці і пражывае на тэрыторыі адпаведнай адміністрацыйнай адзінкі або звязаны з ёю па прычыне прафесійнай дзейнасці. Таксама маюць права вылучацца грамадзяне Расіі, якія пастаянна пражываюць на тэрыторыі Беларусі.-0-

Фота Леаніда Шчаглова

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Рукзак школьніка Вучнёўскія партфелі вырабляюцца з матэрыялаў кантрасных колераў. На пярэдніх, бакавых паверхнях і верхнім клапане павінны быць размешчаны святловяртальныя элементы.