Мабільная версія
ДЗЯРЖОРГАНЫ
Апошнія навіны
Усе навіны

Вучоныя з 20 краін прымуць удзел у першым беларускім філасофскім кангрэсе

Грамадства 12.10.2017 | 13:04

12 кастрычніка, Мінск /Кар. БЕЛТА/. Вучоныя з 20 краін прымуць удзел у першым беларускім філасофскім кангрэсе "Нацыянальная філасофія ў глабальным свеце", які пройдзе ў Мінску 18-20 кастрычніка, паведаміў сёння на прэс-канферэнцыі дырэктар Інстытута філасофіі Нацыянальнай акадэміі навук Беларусі Анатоль Лазарэвіч, перадае карэспандэнт БЕЛТА.

"Першы беларускі філасофскі кангрэс першапачаткова планаваўся як падзея нацыянальнага маштабу, але стала ясна, што да гэтага форуму ёсць вялікі міжнародны інтарэс. У форуме прымуць удзел амаль 500 прадстаўнікоў філасофскай навукі. Прыкладна палавіна ўдзельнікаў - замежныя госці. У Беларусь для ўдзелу ў форуме прыедуць вучоныя з 20 краін, сярод якіх Расія, Кітай, Францыя, Італія, Польшча, Румынія, Балгарыя, Малдова, краіны Балтыі", - сказаў Анатоль Лазарэвіч.

Кангрэс стане адным з самых значных форумаў Года навукі ў Беларусі і буйнейшым у гісторыі краіны навуковым форумам у галіне філасофіі, сацыяльных і гуманітарных навук. Сярод гасцей кангрэса - кіраўнікі міжнародных навуковых арганізацый і фондаў, лідары нацыянальных філасофскіх школ шэрага дзяржаў.

Арганізатары бачаць кангрэс як інструмент кансалідацыі вучоных вакол вырашэння канкрэтных задач развіцця дзяржавы, грамадства і культуры, а таксама як сродак нагляднай дэманстрацыі дасягненняў беларускай навукі, спадчыны айчыннай духоўнай культуры, інтэлектуальнага патэнцыялу Беларусі, укладу краіны ў сусветны працэс і вырашэнне глабальных праблем сучаснасці.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Гандаль у святочныя дні Магазінам Мінска з 15 снежня па 15 студзеня рэкамендавана працаваць без закрыцця на рамонт і санітарны дзень.