Мабільная версія
ДЗЯРЖОРГАНЫ
Апошнія навіны
ІНФАГРАФІКА: Холдынг "Купалаўскае"
22 чэрвеня 2018 Стужка навiн
Усе навіны

Вучоныя выступаюць за адукацыйныя курсы беларускай мовы ў тэле-, радыёэфіры і інтэрнэце

Грамадства 21.02.2018 | 12:20
Фота з архіва
Фота з архіва

21 лютага, Мінск /Кар. БЕЛТА/. Адукацыйныя курсы беларускай мовы неабходна арганізаваць у тэле-, радыёэфіры і інтэрнэт-прасторы, каб садзейнічаць стварэнню моўнага асяроддзя. Такую прапанову агучыў у час круглага стала ў газеце "Звязда" першы намеснік дырэктара па навуковай рабоце Цэнтра даследаванняў беларускай культуры, мовы і літаратуры НАН Беларусі, акадэмік Аляксандр Лукашанец, паведамляе БЕЛТА.

Паводле яго слоў, ствараць моўнае асяроддзе неабходна мэтанакіравана, не пускаючы гэта на самацёк. У інфармацыйнай прасторы краіны недастаткова гучыць беларуская мова, лічыць ён. Сёння вельмі важна, каб былі арганізаваны адукацыйныя курсы на радыё, дзе, напрыклад, у ранішнім эфіры, магла б быць 15-мінутная праграма "Гаворым па-беларуску правільна". Неабходны такія праграмы і на тэлебачанні. "Асабліва актуальная праблема - арганізацыя такой дзейнасці ў інтэрнэт-прасторы. Але гэта вельмі складана, паколькі сёння інтэрнэт не садзейнічае культуры маўлення як беларускага, так і рускага. Гэта звязана з тым, што адносіны і патрабаванні да агульнай культуры і культуры маўлення ў грамадстве вельмі знізіліся. Сёння нашай асноўнай праблемай з'яўляецца тое, што стала не сорамна пісаць і гаварыць з памылкамі, - так званая праблема моўнай кампетэнцыі", - сказаў Аляксандр Лукашанец.

Пры гэтым вучоны лічыць, што не трэба драматызаваць сітуацыю па арганізацыі стацыянарных курсаў беларускай мовы. Яны з'явяцца ў залежнасці ад патрэбнасцей грамадства. Будуць жадаючыя - знойдуцца і выкладчыкі, і арганізацыі, якія возьмуцца за стварэнне курсаў. І такія сімптомы ўжо назіраюцца, сказаў ён.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Холдынг "Купалаўскае" Холдынг створаны на падставе ўказа №232 ад 29 чэрвеня 2017 года "Аб стварэнні гаспадарчага таварыства".