4 ліпеня, Мінск /Кар. БЕЛТА/. Увядзенне новых падаткаў у 2018 годзе ў Беларусі не плануецца, паведаміў міністр па падатках і зборах Сяргей Налівайка ў час анлайн-канферэнцыі на сайце БЕЛТА.
"Міністэрства па падатках і зборах прадаўжае кіравацца прынцыпамі дзеючага мараторыя на ўвядзенне новых падаткаў і павышэнне ставак. З 2018 года не плануецца з'яўленне новых падаткаў", - сказаў Сяргей Налівайка.
Не прадугледжваецца і павышэнне дзеючых ставак падаткаў (збораў), за выключэннем індэксацыі ставак, устаноўленых у беларускіх рублях, удакладніў міністр.
За пяць месяцаў 2017 года ў кансалідаваны бюджэт сабрана Br9 млрд, у тым ліку ў рэспубліканскі - Br3,9 млрд, у мясцовыя бюджэты - Br5,1 млрд. Тэмп росту даходаў кансалідаванага бюджэту ў бягучых цэнах склаў 108,1 працэнта (рост на Br0,7 млрд), у тым ліку рэспубліканскага бюджэту - 107 працэнтаў (рост на Br0,3 млрд), мясцовых бюджэтаў - 109 працэнтаў (рост на Br0,4 млрд).-0-