11 кастрычніка, Мінск /Уладзімір Мацвееў - БЕЛТА/. Урад Беларусі адшуквае крыніцы для павышэння зарплаты настаўнікаў. Аб гэтым, адказваючы на пытанне карэспандэнта БЕЛТА, заявіла сёння журналістам віцэ-прэм'ер Беларусі Наталля Качанава.
"Урад адшуквае метады, формы і крыніцы, якія дадуць магчымасць павысіць заработную плату настаўнікаў", - заявіла віцэ-прэм'ер.
Паводле яе слоў, першы крок у гэтым напрамку ўжо зроблены - прынята пастанова Саўміна, згодна з якой надбаўкі да заработнай платы настаўнікам пры рэалізацыі праграм дадатковай адукацыі дзяцей і моладзі на платнай аснове залежаць ад кваліфікацыйнай катэгорыі.
Яшчэ адна з крыніц павышэння зарплат - эфектыўная работа ўстаноў адукацыі і, дзе гэта неабходна, іх аптымізацыя.
"Наогул, гэта не простая задача на 25 працэнтаў павысіць заработную плату педагогам (такое даручэнне даў Прэзідэнт Беларусі. - Заўвага БЕЛТА). Разам з тым, мы цяпер вывучаем гэту сітуацыю і чакаем яшчэ больш эфектыўных прапаноў ад Міністэрства адукацыі, каб вырашыць пастаўленую задачу", - сказала Наталля Качанава.
Яна канстатавала, што на сённяшні дзень заработная плата педагогаў у Беларусі складае прыкладна 87 працэнтаў ад памеру сярэдняй заработнай платы па краіне. "Вядома, трэба шукаць формы і метады, як за кошт унутраных рэсурсаў вырашыць пытанне павышэння заработнай платы", - дадала віцэ-прэм'ер.-0-