Урач расказаў, пры якіх захворваннях дзецям не рэкамендуецца катацца на атракцыёнах

9 красавіка, Мінск /Кар. БЕЛТА/. Дзецям пры неўралагічных парушэннях, сутаргавым сіндроме, эпілепсіі ў анамнезе не рэкамендуецца катацца на атракцыёнах, паведаміў журналістам загадчык 11-й падстанцыі хуткай медыцынскай дапамогі Мінска Яўген Юдакоў, перадае карэспандэнт БЕЛТА.

"У цэлым нейкіх экстрэмальных спускаў, экстрэмальных скарасцей трэба пазбягаць людзям з вострымі хранічнымі захворваннямі сардэчна-сасудзістай сістэмы, захворваннямі галаўнога мозга, дзецям - у выпадку нейкіх неўралагічных парушэнняў, сутаргавага сіндрома, эпілепсіі ў анамнезе", - сказаў Яўген Юдакоў.

У тым выпадку, калі ёсць сур'ёзныя хранічныя або вострыя захворванні, аднак ёсць вялікае жаданне пракаціцца на атракцыёнах або водных горках, урач парэкамендаваў перад іх наведваннем звярнуцца да свайго лечачага ўрача.

Яўген Юдакоў заклікаў дарослых вывучыць правілы бяспекі пры катанні на атракцыёнах і растлумачыць дзецям, як трэба сябе паводзіць. Ён звярнуў увагу на тое, што важна не абмяжоўвацца інструктажам, але ў час выкарыстання гэтых аб'ектаў бесперапынна назіраць, што робяць дзеці. Дзіця з прычыны ўзросту можа не кантраляваць свае паводзіны і не чуць тое, што яму кажуць.-0-