Мабільная версія
ДЗЯРЖОРГАНЫ
Апошнія навіны
Усе навіны

Унесены папраўкі ў Палажэнне аб прыёмнай камісіі ўстановы вышэйшай адукацыі

Грамадства 20.04.2017 | 19:56

20 красавіка, Мінск /Кар. БЕЛТА/. Пастановай Міністэрства адукацыі Беларусі ад 31 сакавіка 2017 года нумар 31 унесены змяненні і дапаўненні ў Палажэнне аб прыёмнай камісіі ўстановы вышэйшай адукацыі (зацверджана пастановай ад 23 сакавіка 2006 года нумар 23). Аб гэтым паведамляе БЕЛТА са спасылкай на Нацыянальны прававы інтэрнэт-партал.

Дакумент удакладняе функцыі прыёмнай камісіі. У межах сваёй кампетэнцыі яна таксама забяспечвае арганізацыю і правядзення гутарак для грамадзян Украіны і асоб без грамадзянства, якія пражывалі (як правіла, не менш за год) на тэрыторыі Данецкай і Луганскай абласцей Украіны, калі яны прыбылі ў Беларусь для атрымання дазволаў на часовае або пастаяннае пражыванне. Пры гэтым павінны быць прадастаўлены дакументы, якія пацвярджаюць пражыванне і навучанне такіх грамадзян на адзначаных тэрыторыях.

Акрамя таго, прыёмная камісія павінна забяспечыць арганізацыю прыёму заяў аб допуску да гутаркі ў абітурыентаў, якія прайшлі навучанне ў профільных педагагічных класах і паступаюць на педагагічныя спецыяльнасці, і выдачу выпіскі з пратакола пасяджэння камісіі па правядзенні з імі гутаркі.

Вызначана, што ў выпадку правядзення агульнага конкурсу па групе спецыяльнасцей (групе факультэтаў, факультэце) у заяве, пададзенай у прыёмную камісію, пералічваюцца ўсе спецыяльнасці групы спецыяльнасцей. Пры аўтаматызаваным залічэнні пералічваюцца ўсе спецыяльнасці групы спецыяльнасці (групы факультэтаў, факультэта) у парадку прыярытэтнасці, устаноўленай абітурыентам.

Таксама дакументам удакладнены функцыі старшыні прыёмнай камісіі, парадак рэгістрацыі дакументаў абітурыентаў, асобныя пытанні правядзення ўступных іспытаў па дысцыплінах "Творчасць" і "Фізічная культура і спорт".

Пастанова ўступае ў сілу 22 красавіка 2017 года.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Дэпазіты на сямейны капітал Стаўка па дэпазіце "Сямейны капітал" на 2017 год складае 1,7 працэнта гадавых. Выкарыстаць грошы можна толькі пасля дасягнення дзіцем 18 гадоў, за выключэннем трат на медыцынскія паслугі.