Сцяг Аўторак, 19 сакавіка 2024
Усе навіны
Усе навіны
Грамадства
25 красавіка 2018, 17:37

У XХII Міжнароднай выстаўцы "СМІ ў Беларусі" прымуць удзел 50 экспанентаў

25 красавіка, Мінск /Кар. БЕЛТА/. У XХII Міжнароднай спецыялізаванай выстаўцы "СМІ ў Беларусі", якая адбудзецца 3-5 мая, прымуць удзел 50 экспанентаў. Аб гэтым паведаміла журналістам начальнік інфармацыйна-аналітычнага ўпраўлення Міністэрства інфармацыі Таццяна Хмель, перадае карэспандэнт БЕЛТА.

Аб сваім удзеле ў выстаўцы заявілі 50 экспанентаў, якія прадставяць каля 400 сродкаў масавай інфармацыі з Беларусі, Расіі, Украіны, Казахстана, Латвіі, Літвы, Польшчы, Кітая, Турцыі і іншых краін. Экспазіцыйная плошча выстаўкі складзе 1 тыс. кв.м. Экспанентамі стануць таксама пасольства КНР і пасольства Турцыі. Удзельнікамі стануць СМІ Кастрамской вобласці, Ямала-Ненецкай аўтаномнай акругі.

Адкрыццё XХII Міжнароднай спецыялізаванай выстаўкі "СМІ ў Беларусі" адбудзецца 3 мая, а вечарам гэтага ж дня пройдзе цырымонія ўзнагароджання пераможцаў XIV Нацыянальнага конкурсу друкаваных сродкаў масавай інфармацыі "Залатая Літара".

Новаўвядзенне цяперашняй выстаўкі СМІ - Дзень рэгіянальнай прэсы, ён пройдзе 4 мая. Рэгіянальная прэса адыгрывае ў інфармацыйнай прасторы важную ролю, а чытач патрабавальны да рэгіянальнай прэсы, адзначыла Таццяна Хмель.

Выстаўка "СМІ ў Беларусі" прапануе насычаную праграму мерапрыемстваў, у тым ліку будуць арганізаваны сумесныя праекты СМІ. Сярод найбольш цікавых - круглы стол, прысвечаны Году малой радзімы ў Беларусі, які арганізуюць РВУ "Выдавецкі дом "Звязда" сумесна з "Настаўніцкай газетай".

У дні работы выстаўкі пройдуць прэзентацыі інфармацыйных і інтэрнэт-праектаў, аўтограф-сесіі, майстар-класы і іншыя мерапрыемствы.

Асаблівасцю цяперашняй выстаўкі стане дзіцячая пляцоўка, найбольшая колькасць мерапрыемстваў для дзяцей пройдзе 5 мая. Гэты дзень аб'яўлены на выстаўцы Днём дзяцей і моладзі.

XХII Міжнародная спецыялізаваная выстаўка "СМІ ў Беларусі" пройдзе ў выставачным комплексе па адрасе пр. Пераможцаў, 14.

Міжнародная спецыялізаваная выстаўка "СМІ ў Беларусі" праводзіцца штогод з 1997 года Міністэрствам інфармацыі пры падтрымцы Міністэрства замежных спраў, Мінскага гарвыканкама, РУП "Нацыянальны выставачны цэнтр "БелЭкспа", іншых органаў дзяржаўнага кіравання, вядучых СМІ, грамадскіх арганізацый.-0-

Падпісвайцеся на нас у
Twitter
Топ-навіны
Свежыя навіны Беларусі