Мабільная версія
ДЗЯРЖОРГАНЫ
Апошнія навіны
Усе навіны

У пытанні працаўладкавання грамадзян важны індывідуальны падыход да кожнай сітуацыі - Дабрыніна

Грамадства 17.03.2017 | 17:57
Людміла Дабрыніна. Фота з архіва
Людміла Дабрыніна. Фота з архіва

17 сакавіка, Мінск /Кар. БЕЛТА/. У пытанні працаўладкавання грамадзян важны індывідуальны падыход да кожнай сітуацыі. Такое меркаванне выказала карэспандэнту БЕЛТА старшыня Пастаяннай камісіі Палаты прадстаўнікоў па бюджэце і фінансах Людміла Дабрыніна.

Парламентарый расказала аб прыёме грамадзян, які правяла нядаўна ў Аршанскім раённым выканаўчым камітэце. Паводле слоў Людмілы Дабрынінай, кола праблем, з якімі людзі прыходзяць да дэпутатаў, апошнім часам звузілася, яны ўсё часцей звяртаюцца па аказанне садзейнічання ў працаўладкаванні. "Галоўная задача органаў улады і дэпутатаў - дапамагчы кожнаму, хто звярнуўся, з пошукам добрага рабочага месца. Прычым тут важны індывідуальны падыход. Пры Аршанскім райвыканкаме створана рабочая група, у склад якой уваходзяць спецыялісты ўпраўлення па працы, занятасці і сацыяльнай абароне, аддзела адукацыі, спорту і турызму, аховы здароўя, падатковай інспекцыі, а таксама дэпутаты. Удакладняюцца спісы людзей, якія маюць патрэбу ў працаўладкаванні, вядзецца работа з прадпрыемствамі і арганізацыямі па стварэнні рабочых месц у рэгіёне", - расказала Людміла Дабрыніна.

Яна адзначыла, што за дзень прыёму ў акрузе да яе па дапамогу звярнуліся 17 чалавек, з іх толькі ў аднаго ўзніклі пытанні па дэкрэце нумар 3 "Аб папярэджанні сацыяльнага ўтрыманства", дзеянне якога на сёння прыпынена. Мужчына расказаў, што яго сын праходзіць службу ў арміі, але да гэтага ён скончыў вучылішча, а працаўладкавацца не атрымлівалася. Работадаўцы матывавалі адмову тым, што ў маладога чалавека няма працоўнага стажу. Бацька расхваляваўся, што пакуль сын праходзіць службу, ён можа трапіць у катэгорыю плацельшчыкаў збору на фінансаванне дзяржрасходаў. "Я сказала мужчыну, што перажываць наконт гэтага не трэба. Як толькі сын вернецца з арміі, зможа спакойна шукаць работу", - дадала старшыня пастаяннай камісіі.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Гандаль у святочныя дні Магазінам Мінска з 15 снежня па 15 студзеня рэкамендавана працаваць без закрыцця на рамонт і санітарны дзень.