Мабільная версія
ДЗЯРЖОРГАНЫ
Апошнія навіны
Усе навіны

У наступным годзе будзе адкрыта праграма падтрымкі школ тэхнічнымі сродкамі навучання

Грамадства 16.11.2017 | 16:23

16 лістапада, Мінск /Кар. БЕЛТА/. Міністэрства адукацыі Беларусі адкрые праграму падтрымкі сярэдняй адукацыі тэхнічнымі сродкамі навучання. Аб гэтым сёння паведаміў міністр адукацыі Ігар Карпенка ў час рэспубліканскага семінара "Інавацыйнае развіццё - стратэгічны вектар адукацыі", перадае карэспандэнт БЕЛТА.

"У наступным годзе мы адкрываем праграму падтрымкі сістэмы сярэдняй адукацыі тэхнічнымі сродкамі навучання. У рамках гэтай праграмы ў першую чаргу аснасцім тыя школы, якія выставілі сваіх педагогаў для ўдзелу ў рэспубліканскім конкурсе прафмайстэрства "Настаўнік года Беларусі-2017", - сказаў Ігар Карпенка.

Першы сертыфікат на набыццё інтэрактыўнай сэнсарнай сістэмы (мультыборда) з рук міністра атрымала дырэктар Баравухскай сярэдняй школы нумар 15 Наваполацка Ірына Васіленка. "Мы прынялі рашэнне, што школа, дзе працуе пераможца конкурсу "Настаўнік года-2017" Святлана Румянцава, атрымае сертыфікат на камп'ютарныя сродкі навучання, якія будуць уведзены ў адукацыйны працэс, каб увесь педагагічны калектыў адчуў перамогу іх калегі на прэстыжным рэспубліканскім конкурсе", - адзначыў міністр адукацыі.

У канцы верасня былі аб'яўлены вынікі конкурсу прафесійнага майстэрства педагагічных работнікаў "Настаўнік года Беларусі-2017". Пераможцам стала настаўнік беларускай мовы і літаратуры Баравухскай сярэдняй школы нумар 15 Наваполацка Святлана Румянцава. Лепшы педагог быў вызначаны па выніках суперфіналу, у якім спаборнічалі 8 пераможцаў прадметных намінацый. Усяго ў рэспубліканскім конкурсе прафмайстэрства педработнікаў прынялі ўдзел больш за 30 тыс. настаўнікаў.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як прайсці тэхагляд Дзяржтэхагляд транспартных сродкаў (ТС) праводзіцца незалежна ад месца іх дзяржаўнай рэгістрацыі. На дыягнастычную станцыю аўтамабіль прадстаўляецца ў чыстым выглядзе.