25 жніўня, Мінск /Кар. БЕЛТА/. У Мінску колькасць рухомага саставу на гарадскіх маршрутах грамадскага транспарту павялічыцца ў сувязі з пераходам на асенне-зімовы перыяд работы, паведамілі БЕЛТА ў дзяржаўнай установе "Сталічны транспарт і сувязь".
З 1 верасня на 18 аўтобусных, 13 тралейбусных і 3 трамвайных маршрутах будзе павялічана колькасць рухомага саставу ў гадзіны пік сумарна на 35 адзінак. Акрамя таго, з гэтага дня аднаўляецца работа аўтобусных маршрутаў нумароў 185С, 187, 188С, 196.
З 29 жніўня аднаўляецца работа аўтобуснага маршруту нумар 47С.
У ДУ "Сталічны транспарт і сувязь" праінфармавалі, што ў сувязі з ростам пасажырапатоку ў асенне-зімовы перыяд, а таксама з мэтай забеспячэння транспартнага абслугоўвання пасажыраў і павышэння якасці прадастаўляемых транспартных паслуг з 27 жніўня работа Мінскага метрапалітэна будзе арганізавана па зімовым графіку руху.-0-