26 верасня, Мінск /Кар. БЕЛТА/. У Беларусі сярэдні памер назначаных у жніўні пенсій склаў Br300,3, што ў 2 разы перавышае бюджэт пражытачнага мінімуму (БПМ) для пенсіянераў, паведамляе БЕЛТА са спасылкай на аператыўныя даныя Нацыянальнага статыстычнага камітэта.
Сярэдні памер пенсій па ўзросце ў жніўні склаў Br308,2; па інваліднасці - Br275,4; па прычыне страты карміцеля - Br210,1; сацыяльных пенсій - Br183,7.
У адпаведнасці з пастановай Міністэрства працы і сацыяльнай абароны бюджэт пражытачнага мінімуму для пенсіянераў у цэнах чэрвеня ў разліку на месяц на перыяд з 1 жніўня па 31 кастрычніка бягучага года складае Br152.
У органах па працы, занятасці і сацыяльнай абароне ў жніўні на ўліку знаходзілася 2 578,5 тыс. пенсіянераў.-0-