Мабільная версія
ДЗЯРЖОРГАНЫ
Апошнія навіны
Усе навіны

У Беларусі прапрацуюць пытанне аб вызваленні ІП ад узносаў у ФСАН пры доглядзе інваліда або састарэлага - Касцевіч

Грамадства 13.09.2017 | 18:40
Ірына Касцевіч. Фота з архіва
Ірына Касцевіч. Фота з архіва

13 верасня, Мінск /Кар. БЕЛТА/. У Беларусі будзе прапрацавана пытанне аб вызваленні індывідуальнага прадпрымальніка ад выплаты ўзносаў у Фонд сацыяльнай абароны насельніцтва (ФСАН) у перыяд прыпынення прадпрымальніцкай дзейнасці ў сувязі з доглядам састарэлага або інваліда першай групы. Аб гэтым заявіла міністр працы і сацыяльнай абароны Ірына Касцевіч сёння ў час асабістага прыёму грамадзян у Савеце Міністраў, перадае карэспандэнт БЕЛТА.

Індывідуальны прадпрымальнік з Баранавіч звярнуўся да міністра па пытанні сваёй нявыплаты ўзносаў у ФСАН з-за немагчымасці працаваць у сувязі з доглядам інваліда першай групы. Мужчына ў 2015 годзе апынуўся ў вельмі складанай жыццёвай сітуацыі, калі цяжка захварэла яго маці. Ён быў вымушаны пакінуць свой прыватны бізнес і даглядаць шмат месяцаў ляжачага блізкага чалавека. На працягу гэтага перыяду расла запазычанасць перад ФСАН, да яго быў прад'яўлены іск на агульную суму каля Br2 тыс. (запазычанасць накапілася за той перыяд, калі ён лічыўся індывідуальным прадпрымальнікам, але не меў магчымасці зарабляць і выконваць свае абавязацельствы перад дзяржавай па выплаце падаткаў і абавязковых страхавых узносаў).

У сакавіку бягучага года мужчына падаў заяву аб ліквідацыі ІП. Ён адмаўляецца выплачваць запазычанасць: "У мяне няма грошай, каб аплаціць гэты абавязак. І мяне абурае несправядлівасць у адносінах да такіх, як я, прадпрымальнікаў, якія пакінулі работу з-за неабходнасці догляду блізкіх. Чаму жанчына-індывідуальны прадпрымальнік у выпадку догляду дзіцяці ва ўзросце да 3 гадоў вызваляецца ад выплаты ўзносаў у ФСАН і атрымлівае дзяржаўную дапамогу, а чалавек, які даглядае дарослага хворага сваяка, не мае права на дапамогу па доглядзе інваліда і абавязаны яшчэ плаціць узносы?"

Міністр уважліва азнаёмілася з прадстаўленымі дакументамі, прызнала, што сітуацыя складаная, неадназначная. "У кожнага чалавека ёсць абавязак перад сваімі бацькамі. Вы гэты чалавечы абавязак выканалі дастойна, ваша маці магла б ганарыцца, што выгадавала такога сына. Але ёсць і абавязкі грамадзяніна перад дзяржавай - адно не выключае другога, - адзначыла Ірына Касцевіч, звяртаючыся да заяўніка. - Сітуацыя, у якой вы апынуліся, вельмі цяжкая і псіхалагічна, і фізічна, і матэрыяльна. Нельга не паспачуваць... Разам з тым, у вас была магчымасць зрабіць у адпаведнасці з дзеючым заканадаўствам, своечасова выканаўшы неабходныя працэдуры, каб зменшыць суму запазычанасці".

Ірына Касцевіч лічыць, што пасля смерці маці заяўніку трэба было пачынаць працаваць і паступова выплачваць накоплены за 2015 і 2016 гады доўг, а не ліквідаваць ІП. Але мужчына наадрэз адмаўляецца адраджаць ранейшы бізнес пры існуючых умовах, просіць дапамагчы яму з ліквідацыяй запазычанасці. Міністр выказала гатоўнасць аказаць яму садзейнічанне ў працаўладкаванні праз баранавіцкі гарадскі цэнтр занятасці насельніцтва, а таксама вярнуцца да разгляду пытання аб запазычанасці.

Яна адзначыла, што цяпер распрацоўваецца праект дакумента аб вызваленні індывідуальных прадпрымальнікаў ад выплаты ўзносаў у ФСАН за перыяды неажыццяўлення імі сваёй дзейнасці на падставе пацвярджаючых падатковымі або рэгіструючымі органамі звестак аб такіх перыядах. Таксама будзе прапрацавана пытанне аб вызваленні індывідуальнага прадпрымальніка ад выплаты ўзносаў у ФСАН у перыяд прыпынення прадпрымальніцкай дзейнасці ў сувязі з доглядам асобы, якая дасягнула 80-гадовага ўзросту і мае патрэбу ў пастаянным доглядзе, або інваліда першай групы, - па аналогіі з індывідуальнымі прадпрымальнікамі, якія даглядаюць дзіцяці ва ўзросце да 3 гадоў.

На прыём да міністра прыехалі жыхары з розных рэгіёнаў рэспублікі і Мінска. У прыватнасці, жыхарка Гродзенскай вобласці звярнулася за назначэннем ёй ільготнай пенсіі, паколькі некалькі гадоў была бортправадніком. "Вы маеце права напісаць заяву па гэтым пытанні, прыкласці дакументы, якія пацвярджаюць стаж работы. Спецыялісты разгледзяць іх і праінфармуюць вас аб тым, ці магчыма назначэнне вам пенсіі за работу ў асаблівых умовах працы, - заканадаўствам устаноўлены дакладныя крытэрыі зыходзячы са стажу", - адзначыла Ірына Касцевіч.

Адно з пытанняў жыхаркі г. Горкі датычылася стварэння грамадскай арганізацыі інвалідаў. Міністр працы і сацабароны растлумачыла пажылой жанчыне парадак звароту па гэтым пытанні ў кампетэнтныя органы (пасля прыёму заяўніцы будзе дадзена падрабязная пісьмовая кансультацыя). "Дарэчы, ужо цяпер вы можаце звярнуцца ў тэрытарыяльны цэнтр сацыяльнага абслугоўвання насельніцтва па месцы жыхарства, дзе створаны розныя клубы і гурткі па інтарэсах. Калі вам цікава будзе ўдзельнічаць у іх рабоце - калі ласка. Магчыма і стварэнне новага гуртка або клуба, калі ў вас і вашых аднадумцаў ёсць такое жаданне", - дадала кіраўнік профільнага ведамства.

Астатнія пытанні, з якімі звярнуліся на прыём да міністра, датычыліся пенсійнага забеспячэння, звальнення з работы, нязгоды з судовым рашэннем і інш. Усім заяўнікам дадзены растлумачэнні ў адпаведнасці з заканадаўствам.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

ІНФАГРАФІКА: Бяспека карыстання газам у быце Перад кожным распальваннем газавага воданагравальніка або абагравальнага катла праверце, што: цыркуляцыя цепланосьбіта забяспечана; ціск па манометры, устаноўленым на катле, адпавядае норме; каналы дымаходаў свабодныя.